தமிழ் மொழியில் படியுங்கள்

நீங்கள் உங்கள் வணிகத்தில் முதலீடு செய்வதற்காக ஒரு வங்கி அல்லது முதலீட்டாளரை நாடுகிறீர்கள் எனின் நீங்கள் பரந்த நோக்கினை கொண்டிருப்பதாக அவருக்கு தெரியப்படுத்த வேண்டும். உங்கள் வணிக எண்ணக்கரு சிறப்பானதாக இருப்பினும், அவர்களை உங்கள் வணிகத்தில் முதலிட வைக்கும் அடித்தளமானது மிக முக்கியமானதாகும்.

இந்த நிலையில் நிதி விகிதங்கள் பயனுள்ளவையாக உள்ளன. அவை பொதுவாக நிதி நோக்கங்களுக்கான கணித விளக்கங்களைக் கொண்டவையாக உள்ளன. நிதி விகிதங்களுக்கிடையிலான இந்த தொடர்பானது முதலீட்டாளர்களை ஈர்ப்பதற்கு உதவுவது மட்டுமன்றி உள்ளக முகாமைத்தினர்க்கு வணிகம் எவ்வாறு நகர்கின்றது மற்றும் முன்னேற்றப்பட வேண்டிய துறைகள் பற்றி இனங்காணவும் உதவுகின்றது. எளிமையாக கூறுமிடத்து, நிதி விகிதங்கள் என்பது வணிகத்தின் பலம் மற்றும் பலவீனங்களை அறிந்து கொள்வதற்கான முக்கிய கருவி ஆகும்.

வணிக பகுப்பாய்வில் பல்வேறு நிதி விகிதங்கள் பயன்படுவதுடன் அவை பின்வருமாறு வகைப்படுத்தப்படுகின்றன

  1. இலாப விகிதங்கள்
  2. பணப்புழக்க விகிதங்கள்
  3. செயல்திறன் விகிதங்கள்
  4. செயல்பாட்டு மூலதன விகிதங்கள்
  5. சொத்து பயன்பாட்டு விகிதங்கள்

 

எவ்வாறெனினும் நீங்கள் இவ்விகிதங்கள் பற்றி மேலும் ஆராயுமிடத்து இன்னும் பல்வேறுபட்ட வகைப்படுத்தல்களை அறியலாம். எனினும் இந்த விடயம் பற்றி அதிகளவில் ஆராய நீங்கள் விரும்பாமல்விடினும், எந்தவொரு வணிகத்திற்கும் பொதுவான மற்றும் இன்றியமையாத சில விகிதங்களை பற்றி மாத்திரம் அறிந்து கொள்ளலாம். நீங்கள் நிலையான வளர்ச்சி மற்றும் குறைந்தளவு கடனை கொண்டிருப்பீர்கள் எனின் இவ்விகிதங்கள் ஒரு குறிப்பிட்ட ஏற்றுக்கொள்ளப்படக்கூடிய பெறுமானத்தினுள் காணப்படும். நீங்கள் அதிகப்படியான கடன் மற்றும் வருமானத்தை விட அதிகமான செலவினை கொண்டிருப்பீர்கள் எனின் இவ்விகிதம் ஏற்றுக்கொள்ளப்படக்கூடிய அளவினுள் காணப்படாது.

நிதி விகிதங்கள் உங்கள் வணிகத்தின் மூல கணக்கீடுகள் என்பதால், முதலீட்டாளர்கள் மற்றும் வங்கிகளை நாடும் போது ஒரு ஏற்றுக்கொள்ளப்படக்கூடிய பெறுமானத்தை பேணுதல் சிறந்தது. விகிதங்கள் ஏற்றுக்கொள்ள முடியாத பெறுமானத்தை கொண்டிருப்பின், வங்கிக்கடன்கள் அதிகளவான வட்டியுடன் அல்லது வழங்கப்படாது இருக்கவும் வாய்ப்புகள் உள்ளன.

எவ்வாறெனினும் சில முதலீட்டாளர்கள் நிதி விகித பெறுமானம் பாதகமானதாக இருந்தாலும் ஆபத்தை எதிர்கொண்டு முதலிட முனைவார்கள். அவர்கள் உரிமையாளரின் நோக்கம் மற்றும் திறன் அல்லது உற்பத்திப்பொருளின் நீண்ட கால திறன் ஆகியவற்றை கருத்திற்கொண்டு இதனை மேற்கொள்கிறார்கள். அதே நேரத்தில் சிலர் உங்கள் நிதி விகிதங்கள் சிறப்பாக பேணப்பட்டிருப்பினும் முதலிட மறுப்பதுடன், அதில் சிலர் வணிக மதிப்பீட்டிற்கு தமது சொந்த அளவுகோல்களைக் கொண்டுள்ளனர். இவ்விகிதங்கள் அனைத்தையும் தீர்மானிக்கக்கூடியன அல்ல மற்றும் முதலீட்டு தீர்மானங்கள் மேலும் பல காரணிகளில் தங்கியுள்ளன என்பதையும் நீங்கள் புரிந்துகொள்ள வேண்டும். எவ்வாறெனினும் உங்கள் விகிதங்களை தொடர்ச்சியாக ஆராய்ந்து சரியான அளவினை பேணுவது புத்திசாலித்தனம் ஆகும்.

தமிழ் மொழியில் படியுங்கள்

ஒரு பதிலை விடவும்

Please enter your comment!
Please enter your name here