English (ஆங்கிலம்) தமிழ் மொழியில் படியுங்கள்

ஒரு குடும்ப வணிகத்தினுடைய வெற்றியானது அவ்வணிகத்தினுடைய மாற்றமடையும் இயக்க நிலைகளில் மட்டுமல்லாது அவ்வாறான மாற்றங்களை ஏற்றுக்கொள்ளக்கூடிய உறுப்பினர்களை கொண்ட குடும்பத்திலும் தங்கியுள்ளது. குடும்ப உறுப்பினர்கள் தங்கள் வாழ்க்கையின் சில பகுதிகளில் வணிகத்தை சார்ந்து இருந்திருக்கலாம், மேலும் வணிகத்திற்கும் பங்களித்திருக்கலாம். ஏதேனும் மாற்றங்களினால் ஏற்படுகின்ற வணிகத்தின் வெற்றியானது அம்மாற்றங்களுக்கு தழுவக்கூடிய திறன் உடைய குடும்ப உறுப்பினர்களை சார்ந்துள்ளது. இது நடைமுறைக்கு வரும் போது குடும்ப வணிகமானது “உரிமையாளரை மையமாகக் கொண்ட” நிலையிலிருந்து குடும்ப உறுப்பினர்கள் மற்றும் நிர்வாக இயக்குனர் குழுவினை “இணையாக கொண்ட” சிக்கலான நிலைக்கு மாற்றமடைகின்றது.

ஒரு வணிகமானது இந்த படிநிலையை அடையும்போது அது உறவுகளை பாதுகாப்பதற்கு ஒரு செயன்முறையை உருவாக்கவும் வணிகத்தின் நம்பகத்தன்மைக்கும்  உதவியாக இருக்கின்றது. இது பூரண குடும்ப வணிக சுற்றுச்சூழலின் நிலைத்தன்மைக்கு ஆதாரமான சிறந்த குடும்ப வணிக நிர்வாகத்தினை ஏற்படுத்தும். நல்லாட்சி எவ்வாறு ஒரு வலுவான குடும்ப வணிகத்தை உருவாக்குகின்றது என்பது கீழேயுள்ள நான்கு வழிகளில் தரப்பட்டுள்ளன.

  • உரிமத்தின் பொறுப்புக்கள் பற்றி குடும்பத்தினருக்கு போதிய அறிவினை வழங்குகிறது
  • இளம் குடும்ப உறுப்பினர்களை எதிர்காலத்திற்கு தயார்ப்படுத்துகிறது
  • தனிப்பட்ட, குடும்ப மற்றும் வணிக ரீதியான மைல்கற்களை பகிர்வதற்கும் கொண்டாடுவதற்கும் உதவுகின்றது.
  • இது குடும்ப வணிகத்தின் பலம் மற்றும் பலவீனங்களை இனங்காண உதவும்.

மேற்கூறிய ஒவ்வொரு விடயம் தொடர்பிலும் தனித்தனியாக ஆராய்வோம்.

குடும்ப வணிகத்தின் கூட்டாளர்களுக்கு உரிமை தொடர்பான கடமைகள் பற்றி போதிய அறிவினை வழங்குதல்

ஒரு நிறுவனத்தை சொந்தமாக கொண்டிருத்தல் இலகுவான காரியம் அல்ல. அதற்கு அதிக அளவான ஊக்கம், உறுதி மற்றும் விடா முயற்சி ஆகியன தேவை. வணிகத்தை தற்போதைய நிலைக்கு கொண்டுவருவதற்காக தனியாக போராடிய உரிமையாளர்கள், வணிகத்துடனான குடும்ப உறவு மற்றும் குடும்பம் அல்லாத உறுப்பினர்களின் உறவை முறையான முடிவெடுக்கும் செயன்முறைகள் எவ்வாறு எளிதாக்குகின்றன என்பது தொடர்பில் காட்சிப்படுத்தி பார்க்க வேண்டும்.

எதிர்காலத்திற்கு இளம் குடும்ப உறுப்பினர்களை தயார்படுத்துங்கள் 

அடுத்தடுத்த திட்டமிடலானது ஒரு வெற்றியாளரான நபர் நிறுவனத்தை ஏற்றுக்கொள்வதுடன் ஏற்கனவே பதவியிலுள்ள பிரதம நிறைவேற்று அதிகாரி (அல்லது யாரேனும் உயர் பதவியில் உள்ளோர்) இலக்கு நேரத்திற்குள் அதிலிருந்து விலகுதலையும் கொண்டுள்ளது. குடும்ப வணிகத்திற்காக சுய நிர்வாகத்தின் அறிமுகத்துடன், உரிமையாளர்கள் சந்தர்ப்பங்களுக்கு உணர்வுகளை சேர்த்தலை விடுத்து பாரிய எண்ணங்களை உருவாக்க தொடங்குவர்.

தனிப்பட்ட, குடும்ப மற்றும் வணிக ரீதியான மைல்கற்களை பகிர்தல் மற்றும் கொண்டாடுதல்

ஒரு குடும்ப வணிகமானது பிரதானமாக குடும்ப உறுப்பினர்களைச் சுற்றி வளர்கிறது. ஆகவே அவர்களின் வெற்றி அல்லது தோல்வி ஆகிய இரண்டுமே வணிகத்தில் பாரிய தாக்கத்தை ஏற்படுத்தும். வணிகத்தில் அல்லது உரிமம் கொண்டிருக்கும் ஒரு குடும்ப உறுப்பினர் கல்வி, தொழில் அல்லது தனிப்பட்ட ரீதியில் ஒரு சிறந்த நிலையினை அடையும்போது குடும்பத்தினர் ஒன்றிணைந்து அதனை கொண்டாடுதல் முக்கியமானது.

குடும்ப வணிகத்தின் பலம் மற்றும் பலவீனங்களை இனங்காண உதவும்.

வணிகத்தில் பல்வேறு வளர்ச்சிப்படிகள் உள்ளன. இப்படிகளை கடக்கும்போது ஒவ்வொரு வணிகமும் அவற்றுக்குரிய வேறுபட்ட பலம் மற்றும் பலவீனங்களை இனங்காணக்கூடியதாக இருக்கும். சில இனங்காணப்பட்ட பலவீனங்கள் அகற்றப்பட வேண்டும் என்பதுடன் பலங்கள் மேலும் உறுதிப்படுத்தப்பட வேண்டும். இந்த நடவடிக்கைகள் சரியான படிநிலைகளில் சரியான நிர்வாக முறைமை, முக்கியமாக மனித வள பலம் மற்றும் பலவீனம் தொடர்பிலான முறைமையின் ஊடாக மேற்கொள்ளப்பட முடியும். 

ஒரு வணிகத்தினுடைய நீண்ட பயணத்தில் பொருத்தமான நிர்வாக முறைமையை கொண்டிருத்தல் முக்கியமானது என்பதை நாம் இப்போது அறிந்துகொண்டோம். ஆனால், அதை எவ்வாறு அமைப்பது? பின்வருவனவற்றை உள்ளடக்கிய குடும்ப நிர்வாக அமைப்பு கூறுகள் இதை அடைய ஒரு சிறந்த வழியாக இருக்கலாம்:

  • குடும்ப கொள்கைகள் மற்றும் நோக்கம் 
  • நிர்வாக மற்றும் ஆலோசனை குழு 
  • மூத்த முகாமைத்துவம் 
  • வணிகம் தொடர்பான கொள்கைகள் 
  • குடும்ப சபை அல்லது குடும்ப சங்கம் போன்ற ஒன்றிணைவுகள்

இந்நடைமுறைகளை அமைக்கும் போது, நடுநிலைமையுடன் கூடிய உணர்ச்சிகளிலிருந்து விலகிய உறுதியான, உண்மையான முடிவுகளை மேற்கொள்வதில் உறுதியாக இருத்தல் வேண்டும்.

English (ஆங்கிலம்) தமிழ் மொழியில் படியுங்கள்

ஒரு பதிலை விடவும்

Please enter your comment!
Please enter your name here