English (ஆங்கிலம்) தமிழ் மொழியில் படியுங்கள்

எவ்வாறு உங்கள் கனவுகளை நனவாக்குவீர்கள்? தினமும் காலையில் எழுந்தவுடன் அந்த நாளிற்கான இலக்குகளை தீர்மானிப்பதுண்டா? உங்கள் இறுதி இலக்கை நோக்கி தினசரி இலக்குகள் எந்தளவிற்கு வழிவகுக்கிறது? அவை அன்றாட அடிப்படையில் செயலில் உற்பத்தித்திறனை நிரூபிக்கிறதா?

முதலில், கனவிற்கும் குறிக்கோளிற்கும் இடையிலான வித்தியாசத்தை தெளிவாக விளங்கிக்கொள்ள வேண்டும். எதையாவது அடைவது பற்றி ஒவ்வொரு நாளும் வெறுமனே கனவு காண்பது உங்கள் இறுதி இலக்கை நோக்கி உங்களை வழிநடத்தப்போவதில்லை. நாளொன்றிற்கான இடைநிலை இலக்குகளை நிர்ணயிப்பதற்கு, நீண்ட காலத்திற்கு என்ன விரும்புகிறீர்கள் என்பது குறித்து நீங்கள் உறுதியாக இருக்க வேண்டும்.

பொதுவாக குறிக்கோளொன்றை வரையறுத்தவுடன் அதை அடைவதற்குரிய  படிமுறைகளை பட்டியல்படுத்த வேண்டும். ஆகவே, உங்கள் இறுதி இலக்கை நிர்வகிக்கக்கூடிய துண்டுகளாக வடிவமைக்கும் செயற்பாட்டை இன்றே செய்யத்தொடங்குங்கள். அவ்வாறு செய்வதனால் அது பெரிதானதொன்றாகத் தோன்றாது. வெற்றியடைவதற்கான விருப்பம் மற்றும் ஒரு நேரத்தில் ஒரு துணைப் பணியை வெற்றிகரமாகச் சமாளிக்கும் தன்மை இருந்தால் உங்களால் பெரும்பாலான இலக்குகளை அடைய முடியும்.

உங்களுடைய குறிக்கோள்கள் பெரியவை அல்லது சிறியவை மற்றும்  நீண்ட காலம் அல்லது நாளொன்றிற்குரியவையாக இருந்தாலும், “ஸ்மார்ட்” (SMART) கட்டமைப்பைப் பின்பற்ற வேண்டும்.

உங்களுக்கு ஸ்மார்ட் கட்டமைப்பை பற்றி தெரியாது என்றால், பின்வருவனவற்றை பார்த்து தெரிந்துகொள்ளுங்கள்.

SMART இன் விளக்கம்,

S – Specific- திட்டவட்டமானது
M – Measurable – அளவிடத்தக்கது
A – Achievable – அடையக்கூடியது
R – Realistic –  யதார்த்தமானது
T – Timely – நேரத்திற்கு செயற்படுதல்

உங்களுடைய குறிக்கோள் இந்த அம்சங்கள் அனைத்தையும் பூர்த்திசெய்தால், அவை  அடையக்கூடிய தெளிவான மற்றும் எளிதான இலக்காக இருக்கும்.

பின்வரும் படிமுறைகள் இறுதி இலக்கை அடைவதற்கு திட்டமிட கைக்கொடுக்கும்.

  • நீங்கள் உண்மையிலேயே பெற விரும்புவதைப் பற்றி கடுமையாக சிந்தியுங்கள், முற்றிலும் விருப்பமானது அல்லது “வைத்திருப்பதற்கு நல்லது”.
  • முடியுமானவரை விரைவாக ஆரம்பியுங்கள்.
  • உங்கள் கனவுகளை உங்கள் இலக்காக எடுத்துக்கொள்ளுங்கள்.
  • உங்கள் அணி உறுதுணையாக இருந்தால் மட்டுமே உங்களுடைய கனவை அடைய முடியும். எனவே, இலக்குகளை நிர்ணயிப்பதற்கு முன் கனவை உங்கள் அணியுடன் பகிர்ந்துகொள்ளுங்கள்.
  • யதார்த்தமாக இருங்கள், SMART முறையை பின்பற்றுங்கள்.
  • மூலோபாய ரீதியாக சிந்தியுங்கள் (Think Strategically).
  • உங்கள் யுத்தி நீண்ட காலத்தையும் குறுகிய காலத்தையும் கவனத்தில் கொண்டதாக இருத்தல் வேண்டும்.
  • யதார்த்தமான நடைமுறைக்கு சாத்தியமான வரவு செலவுகளை (Budget) அமைப்பதை மறந்துவிடாதீர்கள்.
  • சுய பயிற்சிகளை மேற்கொள்ளுங்கள் மற்றும் உங்கள் வேலையின் முன்னேற்றத்தை மதிப்பீடு செய்யுங்கள்.
எல்லாவற்றிலும் மிக முக்கியமான விடயத்தை அறிந்துகொள்ளுங்கள். எல்லாவற்றையும் எழுதுங்கள்! நீங்கள் விஷயங்களை எழுதும்போது, அது உங்கள் மூளையில் நீண்ட நேரம் பதிந்திருக்கும் மற்றும் அதிக எடையைக்கொள்ளும். உங்கள் இலக்குகளை எழுத முயற்சி செய்யுங்கள் ஏனெனில், அவற்றை சிறப்பாக வரையறுக்கவும் அவற்றை நோக்கி செயல்படவும் உதவும்.

English (ஆங்கிலம்) தமிழ் மொழியில் படியுங்கள்

ஒரு பதிலை விடவும்

Please enter your comment!
Please enter your name here